মৰিগাঁৱত ২৫জন ৱাৰ্ড সদস্য বিনা প্ৰতিদ্বন্দ্বিতাই পঞ্চায়ত নিৰ্বাচনত জয়ী

মৰিগাঁৱৰ পৰা জিতুমনি নাথ
পঞ্চায়ত নিৰ্বাচনৰ বাবে মৰিগাঁও জিলা প্ৰশাসনে যাৱতীয় প্ৰস্তুতি চলাই থকাৰ মাজতেই মৰিগাঁও জিলাৰ ৮৫টা পঞ্চায়তত অনুষ্ঠিত হ'বলগীয়া পঞ্চায়ত নিৰ্বাচনত ২৫জন ৱাৰ্ড সদস্য বিনা প্ৰতিদ্বন্দ্বিতাই নিৰ্বাচিত হোৱা বুলি প্ৰকাশ কৰিছে মৰিগাঁও জিলা প্ৰশাসনে । মৰিগাঁও জিলা প্ৰশাসনৰ হৈ অতিৰিক্ত উপায়ুক্ত লক্ষীনন্দন চহৰীয়া আৰু জিলা তথ্য আৰু জনসংযোগ বিষয়া সুনিতি নাৰ্জাৰীয়ে সদৰি কৰা তথ্য অনুসৰি মায়ং উন্নয়ন খণ্ডৰ অন্তৰ্গত ঝাৰগাঁও গাঁও পঞ্চায়তৰ ৫নং ঝাৰগাঁও(খ)ত বিজেপি প্ৰাৰ্থী প্ৰতিভা চৰকাৰ মজুমদাৰ, পাভকাতি গাঁও পঞ্চায়তৰ ৪নং সিধাগুৰি(খ)ত নিৰ্দলীয় আচমা খাতুন, ৫নং গৰুবন্ধাত বিজেপি প্ৰাৰ্থী ৰিংকু সন্যাসী, বুৰাবুৰি গাঁও পঞ্চায়তৰ ৪ নং বুৰাবুৰি (ঘ)ত বিজেপি প্ৰাৰ্থী মিনা দাস আৰু পালিগুৰি গাঁও পঞ্চায়তৰ ১নং ঘুনুচাহাবী (ক)ত বিজেপি প্ৰাৰ্থী বেলাৰাণী চৰকাৰ বিনা প্ৰতিদ্বন্দ্বিতাই নিৰ্বাচিত হৈছে ।

লাহৰীঘাট উন্নয়ন খণ্ডৰ অন্তৰ্গত বুৱালগুৰি গাঁও পঞ্চায়তৰ ৫নং মাহমাৰা (খ)ত অগপ প্ৰাৰ্থী মমতা বেনাৰ্জীৰ, ৰজাগাধুৱা গাঁও পঞ্চায়তৰ ৯নং বগলীপাৰা পথাৰ (ক)ত কংগ্ৰেছ প্ৰাৰ্থী অজয় দেউৰী, তুলসীবৰি গাঁও পঞ্চায়তৰ ৪ নং মিকিৰগাঁও (ক)ত অগপ পম্পী শইকীয়া, কাঠনি গাঁও পঞ্চায়তৰ ৩নং কাঠনিৰ কংগ্ৰেছ প্ৰাৰ্থী বিবিমনি বসুমতাৰী, পাভকাতি গাঁও পঞ্চায়তৰ ৪নং ৱাৰ্ডৰ এ আই ইউ ডি এফ প্ৰাৰ্থী আবুল কাছেম, ১০ নং ৱাৰ্ডৰ বিজেপি প্ৰাৰ্থী মইনা বিশ্বাস,ভূৰাগাঁও গাঁও পঞ্চায়তৰ ১ নং ভূৰাগাঁও (ক)ত বিজেপি প্ৰাৰ্থী ৰত্না মজুমদাৰ, হইবৰগাঁও পঞ্চায়তৰ ২নং চন্দাখাইতি কংগ্ৰেছ প্ৰাৰ্থী মমতা বেগম, ৫নং হইবৰগাঁও নিৰ্দলীয় টাহেৰা খাতুন আৰু নিজ চহৰীয়া গাঁও পঞ্চায়তৰ ২নং নিজ চহৰীয়া নিৰ্দলীয় প্ৰাৰ্থী ফুকন বড়ো বিনা প্ৰতিদ্বন্দ্বিতাই নিৰ্বাচিত হৈছে ।

ভূৰবন্ধা উন্নয়ন খণ্ডৰ অন্তৰ্গত দন্দুৱা গাঁও পঞ্চায়তৰ ১নং কাছমাৰী নিৰ্দলীয় প্ৰাৰ্থী পুষ্পেন্দ বৰা বিনা প্ৰতিদ্বন্দ্বিতাই নিৰ্বাচিত হৈছে। একেদৰে মৈৰাবাৰী উন্নয়ন খণ্ডৰ অন্তৰ্গত বৰচাপৰি গাঁও পঞ্চায়তৰ ৩নং ৱাৰ্ডত কংগ্ৰেছ প্ৰাৰ্থী নাৰগিচ চুলতানা, ৪নং ৱাৰ্ডত কংগ্ৰেছ প্ৰাৰ্থী আমদাদুল হুছেইন, ৫নং ৱাৰ্ডত কংগ্ৰেছ প্ৰাৰ্থী ইছমাইল হুছেইন, ১০ নং ৱাৰ্ডত কংগ্ৰেছ প্ৰাৰ্থী আখতাৰা বেগম, হাতীমুৰীয়া গাঁও পঞ্চায়তৰ ৫নং ৱাৰ্ডত কংগ্ৰেছ প্ৰাৰ্থী জোস্নাৰা বেগম, উলুবাৰী গাঁও পঞ্চায়তৰ ৮নং ৱাৰ্ডত কংগ্ৰেছ প্ৰাৰ্থী মোস্তাকোৰ ৰহমান, ১০ নং ৱাৰ্ডত কংগ্ৰেছ প্ৰাৰ্থী নাজিৰা খাতুন, বৰবৰি গাঁও পঞ্চায়তৰ ৬নং ৱাৰ্ডত এ আই ইউ ডি এফ প্ৰাৰ্থী চাইদুৰ ৰহমান আৰু ১০ নং ৱাৰ্ডত কংগ্ৰেছ প্ৰাৰ্থী অঞ্জুমা খাতুন বিনা প্ৰতিদ্বন্দ্বিতাই নিৰ্বাচিত হৈছে ।