নগাঁও ঘাঁহীৰ পৰা ছাত্ৰ সন্ধানহীন

নগাঁৱৰ পৰা ৱাহিদুদ জামান

নগাঁও জিলাৰ ঘাঁহী ভাটিকুৰিৰ মালা বৰাৰ ঘৰত থাকি পঢ়া-শুনা কৰা বিমান টকবি নামৰ এই ছাত্ৰজন যোৱা ৫ নৱেম্বৰৰ পৰা সন্ধানহীন হৈ আছে । ঘাঁহী ভাটিকুৰি বালিকা প্ৰাথমিক বিদ্যালয়ত তৃতীয় শ্ৰেণীত অধ্যয়নৰত ছাত্ৰজনৰ প্ৰকৃত ঘৰ কাৰ্বি আংলং জিলাত ।

মালা বৰাৰ তত্ত্বাৱধানত থাকি পঢ়া-শুনা কৰা ছাত্ৰজন নিখোজ হোৱাৰ বিষয়ে ইতিমধ্যে ৰহা আৰক্ষী থানাতো এজাহাৰ দাখিল কৰা হৈছে । ছাত্ৰজনৰ কাৰ্বি আংলঙৰ পৰিয়ালৰ লগতে শৈক্ষিক অভিভাৱক মালা বৰাৰ আত্মীয়-স্বজনে বহু বিচাৰ-খোঁচাৰ কৰিছে যদিও বৰ্তমানলৈকে নিৰুদিষ্ট ছাত্ৰজনৰ কোনো সম্ভেদ পোৱা নাই ।

কোনো লোকে ছাত্ৰজনৰ সন্ধান লাভ কৰিলে ৬০০০৩-৮৩৮৭৫ এই ফোন নম্বৰত যোগাযোগ কৰিবলৈ অনুৰোধ জনাইছে ।