নগাঁৱত সাহিত্য-সংস্কৃতিৰ নীৰৱ শিল্পী গোলাপ বৰালৈ বিশেষ সন্মান

নগাঁৱৰ পৰা ঋতুপৰ্ণ শৰ্মা

সাহিত্য সংগঠন "বিৰিণা গোষ্ঠী"ৰ উদ্যোগত দেওবাৰে নগাঁৱত সাহিত্য আলাপ বিৰিণা বৈভৱ আৰু বিহগী কবি ৰঘুনাথ চৌধাৰীৰ স্মৃতি দিৱস উদ্‌যাপন কৰা হয় ।

এই উপলক্ষে নগাঁও জিলা পুথিভঁৰাল প্ৰেক্ষাগৃহত অনুষ্ঠিত অনুষ্ঠানৰ আৰম্ভণিতে পতাকা উত্তোলন কৰে বিৰিণা গোষ্ঠীৰ সভাপতি লীলাধৰ পাঠকে । ইয়াৰ পাছতে কবিতা তালুকদাৰ, যাদৃশী বৰাৰ বৰগীত পৰিবেশনেৰে মূল কাৰ্যসূচী আৰম্ভ  হয় ।

এই কাৰ্যসূচীতে বিৰিণা গোষ্ঠী, অসমৰ তৰফৰ পৰা সাহিত্য-সংস্কৃতিৰ নিৰলস তথা নীৰৱ সাধক গোলাপ বৰাক বিশেষভাৱে  সন্মান প্ৰদান কৰা হয় । অনুষ্ঠানৰ মূল কাৰ্যসূচী সঞ্চালনা কৰে নগাঁও জিলা কবি সন্মিলনৰ সভাপতি প্ৰদীপ শইকীয়াই ।

বিহগী কবিৰ প্ৰতিচ্ছবিত বন্তি প্ৰজ্বলন কৰে অসম লেখিকা সমাৰোহৰ সভানেত্ৰী আভা বৰাই আৰু মাল্যপ্ৰদান কৰে বিশিষ্ট কবি প্ৰদীপ কুমাৰ সিংহই । বিৰিণা গোষ্ঠীৰ সাধাৰণ সম্পাদক তফিকুৰ ৰহমানে উদ্দেশ্য ব্যাখ্যা আৰু আহ্বায়ক হাছিনা মমতাজে আদৰণী ভাষণ প্ৰদান কৰা সভাখন উদ্বোধন কৰে সদৌ অসম সাংবাদিক সন্থাৰ সাধাৰণ সম্পাদক নকুল তালুকদাৰে ।

অনুষ্ঠানত নগাঁও জিলাৰ অতিৰিক্ত উপায়ুক্ত লাচিত কুমাৰ দাস, বিশিষ্ট নাট্যকাৰ উদয় বৰ্মন, শংকৰী সংস্কৃতিৰ বিশিষ্ট লেখক দীপক শইকীয়া, নগাঁও জিলা সাংবাদিক সন্থাৰ সভাপতি  হৰেশ্বৰ বৰা উপস্থিত থাকে ।

কবি মদাৰজ্যোতিয়ে আঁতধৰা অনুষ্ঠানত দ্বীজেন্দ্ৰ নাথ হাজৰিকা, দুৰ্গেশ্বৰ বৰকটকী, সঞ্জীৱ সাগৰ চৌধুৰী, ৰূপম নাথ, জিতেন নৰহ, কবিন ভাগৱতী, অজন্তা বৰা, আতিকুৰ ৰহমান, কৰবী লিগিৰা, পুতুল চন্দ্ৰ ডেকা, দিপাঞ্জু ডেকা, অনামিকা গোস্বামী, জুমি ভূঞা বৰা,

ৰশ্মি ৰেখা দেৱী, প্ৰদীপ বৰক্ষেত্ৰিয়া, ভবেন চন্দ্ৰ নাথ, নয়নমণি দাস, দীপাঞ্জলি চাংমাই, ঋষিকেশ  ৰায়, দেৱজিৎ শৰ্মা, জে ইছলাম, মলয় লফং, ৰিজুমণি কটকী, প্ৰতীক্ষা দেউৰী, চন্দনা দাস, দীপ্তি বৰা, ৰুমু বেগম, ৰুকেয়া চুলতানা, মধু চৌধুৰী,

আনোৱাৰ পাৰভেজ, ছাকাদুল ইছলাম, পুলকানন্দ কৌশিক আদি কবিসকলে কবিতা পাঠ কৰাৰ বিপৰীতে মিনতি দেৱীয়ে  গীত পৰিবেশন কৰে ।