দক্ষিণ অভয়াপুৰী সমষ্টিৰ প্ৰাক্তন বিধায়ক, তৰুণ গগৈ চৰকাৰৰ দিনৰ কেবিনেট মন্ত্ৰী তথা জ্যেষ্ঠ কংগ্ৰেছ কৰ্মী চন্দন সৰকাৰৰ আজি পুৱা আকস্মিক মৃত্যুত সমষ্টিটোৰ আন প্ৰান্তৰ লগতে বইটামাৰীতো শোকৰ ছাঁ পৰিছে ।
বইটামাৰীৰ কংগ্ৰেছ কৰ্মীৰ লগতে ৰাইজেও নেতাগৰাকীৰ মৃত্যুত গভীৰ শোক প্ৰকাশ কৰিছে । চন্দন সৰকাৰৰ উদ্যোগতে 1995 চনতে বইটামাৰীত স্থাপিত ইন্দিৰা গান্ধী মহাবিদ্যালয়ৰ শিক্ষক-কৰ্মচাৰীসকলো আজি শোকত ম্ৰিয়মাণ হৈ পৰে ।
মহাবিদ্যালয় কৰ্ত্তৃপক্ষই আজি শোক প্ৰকাশ কৰাৰ লগতে প্ৰয়াত নেতাগৰাকীৰ বিদেহ আত্মাৰ চিৰশান্তি কামনা কৰি শোকসভা অনুষ্ঠিত কৰে ।
উল্লেখ্য যে বইটামাৰীৰ দৰে অঞ্চলত উচ্চ শিক্ষাৰ এক পৰিৱেশ দিবৰ বাবে তেখেতৰ উদ্যোগতে মহাবিদ্যালয়খন স্থাপন কৰি ভাৰতৰ প্ৰয়াত প্ৰধান মন্ত্ৰী ইন্দিৰা গান্ধীৰ নামেৰে মহাবিদ্যালয়খন নামকৰণ কৰিছিল ।
বইটামাৰী অঞ্চলৰ আন বহু উন্নয়নমূলক কামতো জড়িত আছিল প্ৰয়াত নেতাগৰাকী ।
- Log in to post comments
- 8 views
