আন্তঃৰাষ্ট্ৰীয় মানৱ সৰবৰাহকাৰীৰ হাতৰ পৰা যুৱতী উদ্ধাৰ

মৰিগাঁও জিলাৰ মিকিৰভেটা থানাৰ অন্তৰ্গত মধ্যম কালিকা জাৰি গাঁৱত কিশোৰী উদ্ধাৰ । জানিব পৰা মতে, আন্তঃৰাষ্ট্ৰীয় মানৱ সবৰাহকাৰী দল এটাৰ হাতৰ পৰা কথমপি ৰক্ষা পৰে কিশোৰীগৰাকী ।

বিশ্বস্ত সূত্ৰৰ পৰা গম পোৱা মতে আন্তঃৰাষ্ট্ৰীয় মানৱ সৰবৰাহকাৰীজনৰ নাম ৰহিদুল ইছলাম । ধৃত ৰহিদুল ইছলামৰ ঘৰ মিকিৰভেটা থানাৰ অন্তৰ্গত কলমৌবাৰি তৰাজানত বুলি জানিব পৰা গৈছে ।

বিদেশলৈ চালান দিয়াৰ উদ্দেশ্যেৰে আনিছিল কিশোৰীগৰাকীক । ইয়াৰ আগতেও কেইবাগৰাকী যুৱতী বাহিৰলৈ যোগান ধৰা বুলি স্থানীয় ৰাইজে জানিবলৈ দিয়ে ।

ইতিমধ্যে কালিকাজাৰি গাঁৱৰ সচেতন ৰাইজ তথা যুৱকসকলে কিশোৰীগৰাকীক মানৱ সৰবৰাহকাৰী দুষ্ট চক্ৰটোৰ পৰা উদ্ধাৰ কৰি মিকিৰভেটা আৰক্ষীক চমজাই দিয়ে ।