সোণাৰিৰ সাপেখাতীত আমন্ত্ৰণমূলক ফুটবল প্ৰতিযোগিতাত আফ্ৰিকাৰ দল

সোণাৰিৰ পৰা ঘন বৰা

চৰাইদেউ জিলাৰ সোণাৰিৰ সাপেখাতীত পোন প্ৰথমবাৰৰ বাবে দেওবাৰে অনুষ্ঠিত হ'ল এখনি আমন্ত্ৰণমূলক হাইভল্টেজ ফুটবল প্ৰতিযোগিতা । সাপেখাতী ক্ৰীড়া সন্থাৰ উদ্যোগত সাপেখাতী ষ্টেডিয়ামত অনুষ্ঠিত হোৱা ফুটবল প্ৰতিযোগিতাখনত অসম ৰাজ্যিক বিদুৎ পৰিষদৰ ফুটবল দল বনাম পেগাচিচ ইন্টাৰনেচনেল ক্লাব, আফ্ৰিকাই অংশগ্ৰহণ কৰে ।

সাপেখাতীৰ দৰে পিছপৰা অঞ্চলৰ খেলপথাৰত পোন প্ৰথমবাৰৰ বাবে বিদেশী খেলুৱৈৰে সমৃদ্ধ আফ্ৰিকাৰ ইন্টাৰনেচনেল ফুটবল খেলুৱৈ পৰ্দাপণ কৰাত কেইবা সহস্ৰাধিক ক্ৰীড়াপ্ৰেমীয়ে খেল উপভোগ কৰে ।  সাপেখাতী ক্ৰীড়া সন্থাৰ কৰ্মীসকলে বিগত এমাহজোৰা প্ৰস্তুতিৰ অন্তত আজি অনুষ্ঠিত হোৱা খেলখন শুভ উদ্ধোধন কৰে সোণাৰি সমষ্টিৰ বিধায়ক তথা শক্তি মন্ত্ৰী তপন কুমাৰ গগৈয়ে ।

আকৰ্ষণমূলক খেলখনত ৰাজ্যিক বিদ্যুৎ পৰিষদৰ দলটোৱে আফ্ৰিকাৰ দলটোক ৬-২ গ'লত পৰাস্ত কৰি বিজয়ী খিতাপ অৰ্জন কৰে । ইয়াৰোপৰি খেলখনত বিশিষ্ট অতিথি হিচাপে  উপস্থিত থাকে চৰাইদেউ জিলা উপায়ুক্ত বিবেকানন্দ ফুকন, অসম জাতীয়তাবাদী যুৱ ছাত্ৰ পৰিষদৰ সাধাৰণ সম্পাদক পলাশ চাংমাই, ফুটবলৰ সৰ্বোচ্চ সন্থা ফিফাৰ স্বীকৃতিপ্ৰাপ্ত ৰেফাৰী সুমন্ত দত্ত আদি ব্যক্তিসকল উপস্থিত থাকে ।