বিশ্ব মহিলা বক্সিঙৰ কোৱাৰ্টাৰ ফাইনেলত অসমৰ লাভলীনা বৰগোঁহাই

গোলাঘাটৰ পৰা মীনাক্ষী ফুকন

নতুন দিল্লীত অনুষ্ঠিত হৈ থকা আইবা বিশ্ব মহিলা বক্সিং প্ৰতিযোগিতাত গোলাঘাট জিলাৰ বৰপথাৰৰ জিয়াৰী তথা অসম গৌৰৱ লাভলীনা বৰগোঁহাই কোৱাৰ্টাৰ ফাইনেলত প্ৰবেশ কৰিছে ।

আজি বিয়লি ২.৩০ বজাত অনুষ্ঠিত প্ৰি-কোৱাটাৰত লাভলীনাই পানামাৰ এথেইনা বিলনক ০-৫ পইণ্টত হৰুৱাই কোৱাটাৰ ফাইনেলত প্ৰৱেশ কৰে । পুৱা ফোনযোগে পিতৃ-মাতৃৰ পৰা আশিস লোৱা লাভলীনাই আত্মবিশ্বাসেৰে পিতৃ-মাতৃৰ আগত জিকাৰ আশ্বাস দিছিল ।

আত্মবিশ্বাস তুংগত থকা লাভলীনাই কোৱাটাৰ ফাইনেলত প্ৰৱেশ কৰাত পৰিয়ালটোৰ লগতে গোলাঘাটতো আনন্দৰ জোৱাৰ উঠিছে ।

বহু মাহ ধৰি দিল্লীত উচ্চ প্ৰশিক্ষণ গ্ৰহণ কৰি থকা লাভলীনাৰ এনে সাফল্যত পৰিয়ালবৰ্গৰ হৈ পিতৃ-মাতৃ আৰু গোলাঘাটবাসীয়ে চূড়ান্ত পৰ্যায়লৈ আগুৱাই যোৱাৰ প্ৰাৰ্থনা কৰিছে ।