ৰূপহীৰ উলুৱনি গাঁৱত সন্ধানহীন যুৱকৰ মৃতদেহ উদ্ধাৰ

জুৰীয়াৰ পৰা উত্তম কুমাৰ বৰা

নগাঁও জিলাৰ ৰূপহীহাটৰ উলুৱনি গাঁৱত এজন যুৱক নিখোজ হোৱাক কেন্দ্ৰ কৰি তীব্ৰ চাঞ্চল্য চলি থকাৰ মাজতেই আজি একে গাঁৱৰে পুতু বৰাৰ ঘৰৰ পিছফালৰ পুখুৰীত উদ্ধাৰ হয় লোকজনৰ অৰ্ধগলিত মৃতদেহ ।

মৃতদেহটো গাঁওখনৰ ৰবীন বৰা বুলি চিনাক্ত কৰা হয় । ২৪ অক্টোবৰৰ পৰা সন্ধানহীন হৈ আছিল লোকজন ।

এয়া হত্যা নে আত্মহত্যা এতিয়াও জানিব পৰা হোৱা নাই । আৰক্ষীৰ তদন্ততহে পোহৰলৈ আহিব ঘটনাৰ প্ৰকৃত ৰহস্য ৷