পুৰণিগুদাম প্ৰেছ ক্লাবৰ কাৰ্যালয় উদ্বোধন

নগাঁৱৰ পৰা ঋতুপৰ্ণ শৰ্মা

নগাঁও জিলাৰ পুৰণিগুদামৰ সংবাদসেৱীসকলৰ উমৈহতীয়া মঞ্চ "পুৰণিগুদাম প্ৰেছ ক্লাব"ৰ কাৰ্যালয়টি শনিবাৰে শুভ উদ্বোধন কৰা হয় । পুৰণিগুদামৰ ৩৭নং ৰাষ্ট্ৰীয় ঘাইপথৰ কাষত পুৰণিগুদাম ডঃ বিৰিঞ্চি কুমাৰ বৰুৱা মহাবিদ্যালয়ৰ সমীপত স্থাপন কৰা কাৰ্যালয়টি  উদ্বোধন কৰে নগাঁৱৰ আনন্দৰাম ঢেকীয়াল ফুকন মহাবিদ্যালয়ৰ অধক্ষ ডঃ সুৰজিৎ কুমাৰ ভাগৱতীয়ে ।

এই উপলক্ষে পুৰণিগুদাম প্ৰেছ ক্লাবৰ সভাপতি হেমন্ত শইকীয়াই আঁতধৰা অনুষ্ঠানত কাৰ্যালয়টো উদ্বোধন কৰি ড: ভাগৱতীয়ে সাংবাদিকসকলক সমাজৰ বিভিন্ন দিশ নিজে পৰ্যবেক্ষণ কৰি সত্যনিষ্ঠ সংবাদ পৰিৱেশন কৰিবলৈ উৎসাহিত কৰাৰ লগতে পুৰণিগুদাম প্ৰেছ ক্লাবক গঠনমূলক পৰামৰ্শ আগবঢ়ায় ।

অনুষ্ঠানত কৃষ্ণ শইকীয়া, শিক্ষক দিলীপ কুমাৰ ভূঞা, চামগুৰি থানাৰ ভাৰপ্ৰাপ্ত বিষয়া ৰাজীৱ বৰ্মন, দীপক জোতি ডেকা, প্ৰেছ ক্লাবৰ সম্পাদক ধ্ৰুৱজ্যোতি গায়ন, নীল ৰঞ্জন শৰ্মা, কুলপ্ৰদীপ দাস, মিঠুমুগ্ধ গোহাঁই, দিব্যজ্যোতি ভূঞা, নাফিচা হুছেইন, নিপুল বৰা, ভাৰ্গৱ হাজৰিকা, শ্যামেন্দ্ৰ বৈৰাগী, নয়ন মণি বৰা, ৰঞ্জন বৈৰাগী, ৰুবুল কাঠহাজৰিকা, দীপাংকৰ ভৰদ্বাজ আদি উপস্থিত থাকে ।