দৌলাশাল আৰক্ষীৰ মদবিৰোধী অভিযান : বৃহৎ পৰিমাণৰ অবৈধ বিলাতী সুৰা জব্দ

চেঙাৰ পৰা সুৰজিৎ পাঠক

নলবাৰী জিলাৰ বৰক্ষেত্ৰীৰ দৌলাশাল আৰক্ষী চকীৰ অন্তৰ্গত গোৰাক্ষাট্টাৰী আৰু ১নং নাৰোৱাত যোৱা দুদিনত দৌলাশাল আৰক্ষীয়ে মদবিৰোধী অভিযান চলাই দুগৰাকী ব্যক্তিৰ ঘৰৰ পৰা বৃহৎ পৰিমাণৰ অবৈধ বিলাতী সুৰা জব্দ কৰিবলৈ সক্ষম হয় ।

দৌলাশাল আৰক্ষী চকীৰ ভাৰপ্ৰাপ্ত আৰক্ষী বিষয়া জগানন্দ বড়োৰ নেতৃত্বত মদবিৰোধী অভিযানত গোৰাক্ষাট্টাৰী গাঁৱৰ বীৰেন নাথৰ ঘৰৰ পৰা অবৈধ বিলাতী সুৰা জব্দ কৰাৰ লগতে ১নং নাৰোৱা গাঁৱৰ কল্পনা বড়োৰ ঘৰৰ পৰাও বৃহৎ পৰিমাণৰ বিলাতী সুৰা জব্দ কৰে আৰক্ষীয়ে ।

আৰক্ষী অহাৰ উমান পাই অবৈধ সুৰা ব্যৱসায়ীয়ে পলায়ন কৰে বুলি জানিব পৰা গৈছে ।