নাগ্ৰিজুলিত ৰকেট লাঞ্চাৰ উদ্ধাৰ

তামুলপুৰ থানাৰ অন্তৰ্গত নাগ্ৰিজুলি আৰক্ষী চকীৰ অধীনস্থ বিমলা নগৰত আজি উদ্ধাৰ হৈছে এটা ৮১ মৰ্টৰ বোমা । নদীত মাছ মাৰি থকা অৱস্থাত কেইজনমান চেমনীয়াৰ জালত উঠি আহিল ৰকেট লাঞ্চাৰটো । তেওঁলোকে লগে লগে তেওঁলোকে স্থানীয় ৰাইজক বিষয়টো অৱগত কৰায় । ৰাইজে আৰক্ষীক খবৰ দিয়াত ঘটনাস্থলীত আৰক্ষী আৰু সেনাবাহিনীৰ লোক উপস্থিত হয় । সেনা আৰু আৰক্ষীয়ে সেনাৰ বোমা বিশেষজ্ঞ দলৰ লগত যোগাযোগ অব্যাহত ৰাখে । কাইলৈ পুৱা সেনাৰ বোমা বিশেষজ্ঞই বোমাটো নিষ্ক্ৰিয় কৰিব বুলি জানিব পৰা গৈছে । সম্প্ৰতি সেনা আৰু আৰক্ষীয়ে বোমাটোৰ চৌদিশে পহৰা দি আছে ।