তামুলপুৰৰ শশীপুৰত পথ দুৰ্ঘটনাত নিহত এগৰাকী মহিলা

বাক্সা জিলা তামুলপুৰ আৰক্ষী  থানাৰ অন্তৰ্গত দৰংগা মেলা আৰক্ষী চকীৰ শশীপুৰত  দুপৰীয়া ১২ বজাত এক পথ দুৰ্ঘটনা সংঘটিত হয় । পথ দুৰ্ঘটনাটোত শশীপুৰ গাঁৱৰ প্ৰাণ কুমাৰ ওৱাৰীৰ পত্নী  ৰেচমী ওৱাৰী (৫১) নিহত হয় । জানিব পৰা মতে এ এছ ২৫ এফ ১২৬১ নম্বৰ স্কুটি গাড়ী খনৰে ভূটানৰ পৰা আহি থাকোতে দৰংগামেলা সেনা চাওনিৰ সন্মুখত পিছত চকাটো ফুটি নিয়ন্ত্ৰণ হেৰুৱাই  দুৰ্ঘটনা পতিত হয় । লগে লগে স্থানীয় ৰাইজ আৰু আৰক্ষী সহযোগত মহিলা গৰাকীক কুমাৰীকাটা অসামৰিক চিকিত্সালয়ত ভৰ্তি কৰোৱা হয় যদিও চিকিৎসকে মহিলা গৰাকীক মৃত বুলি ঘোষণা কৰে।