২৮ ছেপ্টেম্বৰত আক্ৰাছুৰ যৌথ কাৰ্যনিৰ্বাহক সভা

বঙাইগাঁৱৰ পৰা প্ৰণৱ কুমাৰ ডেকা

সদৌ কোচ ৰাজবংশী ছাত্ৰ সন্থা, সদৌ কোচ ৰাজবংশী মহিলা সমিতি আৰু চিলাৰায় সেনাৰ এখন যৌথ কাৰ্যনিৰ্বাহক সভা অহা ২৮ ছেপ্টেম্বৰত অনুষ্ঠিত হ'ব ৷

বঙাইগাঁও চহৰৰ বৰপাৰা ছহিদ বেদীস্থিত আক্ৰাছুৰ মুখ্য কাৰ্যালয়ত পুৱা ১১ বজাত অনুষ্ঠিত হ'বলগীয়া যৌথ কাৰ্যনিৰ্বাহক সভাত আক্ৰাছু, মহিলা সমিতি আৰু

চিলাৰায় সেনাৰ কেন্দ্ৰীয় সমিতিৰ বিষয়ববীয়া আৰু কাৰ্যনিৰ্বাহক সদস্যৰ লগতে জিলা সমিতিসমূহৰ সভাপতি-সভানেত্ৰী, সম্পাদক-সম্পাদিকা আৰু উপাধ্যক্ষ আৰু সেনাধ্যক্ষসকলক উপস্থিত থাকিবলৈ আক্ৰাছুৰ সাধাৰণ সম্পাদক গোকুল বৰ্মনে আহ্বান জনাইছে ৷