November
16
/ 2021
নিউজ ডেস্ক:
ছেবাই ঘোষণা কৰিলে হাইস্কুল শিক্ষান্ত পৰীক্ষা আৰু হাই মাদ্ৰাছা পৰীক্ষাৰ প্ৰ-পত্ৰ পূৰণ দিন। ছেবাই জাৰি কৰা জাননী অনুসৰি আগন্তুক ২৫ নৱেম্বৰৰ পৰা ১৮ ডিচেম্বৰৰ ভিতৰত শিক্ষাৰ্থীসকলে অনলাইন মাধ্যমেৰে পৰীক্ষাৰ প্ৰ-পত্ৰ পূৰণ কৰিব লাগিব।
উল্লেখ্য যে ,অনলাইন মাধ্যমত প্ৰ-পত্ৰ পূৰণৰ বাবে ছেবাই মুকলি কৰিছে এটা প’ৰ্টেল। সেই অনুসৰি ছেবাৰ Sebaregistration.in প’ৰ্টেলৰ জৰিয়তে শিক্ষাৰ্থীসকলে প্ৰ-পত্ৰ পূৰণ কৰিব পাৰিব। ইফালে ছেবাই জাৰি কৰা অধিসূচনা অনুসৰি যিসকল শিক্ষাৰ্থীয়ে ছয়মাহিলি পৰীক্ষাত অৱতীৰ্ণ হোৱা নাই সেইসকল শিক্ষাৰ্থীয়ে প্ৰ-পত্ৰ পূৰণ কৰিব নোৱাৰিব।
- Log in to post comments
- 34 views
