অসম মীন উন্নয়ন নিগমৰ অধ্যক্ষৰ দায়িত্ব ল’লে গুৰুজ্যোতি দাসে

নিউজ ডেস্ক:
অসম মীন উন্নয়ন নিগম লিমিটেডৰ অধ্যক্ষ ৰূপে দায়িত্ব গ্ৰহণ কৰে মঙলদৈ বিধানসভা সমষ্টিৰ প্ৰাক্তন বিধায়ক গুৰুজ্যোতি দাসে । বৃহস্পতিবাৰে মহানগৰীৰ চচলস্থিত অসম মীন উন্নয়ন নিগম লিমিটেডৰ মুখ্য কাৰ্যালয়ত দায়িত্ব গ্ৰহণ কৰিলে গুৰুজ্যোতি দাসে ৷ অধ্যক্ষ ৰূপে দায়িত্ব লোৱাৰ পূৰ্বে কার্যালয়টোৰ বিষয়া কৰ্মচাৰী সকলে গুৰুজ্যোতি দাসক ফুলাম গামোচা, জাপি, শৰাই আদিৰে উষ্ম আদৰণি জনায় ।
অধ্যক্ষ ৰূপে দায়িত্বভাৰ গ্ৰহণ কৰিয়েই গুৰুজ্যোতি দাসে সংবাদ মাধ্যমৰ আগত কয় যে ,"আগন্তুক দিনত বিভাগৰ সকলো কাম কাজ সুচাৰুভাৱে চলাবলৈ চেষ্টা কৰিম লগতে থলুৱা মাছৰ উৎপাদনৰ ক্ষেত্ৰত বিশেষ ব্যৱস্থা গ্ৰহণ কৰা হ'ব । যিহেতু মীন বিভাগৰ নতুনকৈ দায়িত্ব লাভ কৰিছো, বিভাগটোৰ কাম কাজ বুজি উঠালৈ কিছু সময় লাগিব ।"