আফগানিস্তানৰ বিৰুদ্ধে টি-২০ বিশ্বকাপত জয়ৰ মুখ দেখিলে ভাৰতে

নিউজ ডেস্ক:

ধাৰাবাহিক দুখনকৈ খেলত পৰাস্তৰ পাছত বুধবাৰে টি-২০ বিশ্বকাপত জয়ৰ মুখ দেখিলে ভাৰতে।৬৬ৰাণ বৃহৎ ব্যৱধানত আফগানিস্তান দলক পৰাস্ত কৰে কোহলীৰ নেতৃত্বাধীন ভাৰতীয় ক্ৰিকেট দলে।উল্লেখ্য যে টছত জয়ী হৈ আফগানিস্তান দলে বেটিঙৰ আমন্ত্ৰণ জনায় ভাৰতক। ৰোহিত শৰ্মা আৰু কেএল ৰাহুলৰ সুন্দৰ আৰম্ভণি ১৪০ৰাণৰ  যুটীত দুটা উইকেট হেৰুৱাই ২১১ ৰাণৰ লক্ষ্য বান্ধি দিয়ে আফগান দলটোক।ৰোহিত শৰ্মাই ৭৪(৪৭), কে.এল ৰাহুলে ৬৯(৪৮) কৰে।ইয়াৰ উপৰিও হাৰ্ডিক পাণ্ডিয়াই ৩৫(১৩) ঋষভ পন্ট ২৭(১১)ৰাণ কৰি অপৰাজিত হৈ থাকে।

আফগানিস্তানে ২১১ৰাণৰ জয়ৰ লক্ষ্য আগত ৰাখি ইনিংছ আৰম্ভ কৰি ভাৰতৰ নিয়ন্ত্ৰিত বলিঙত ৭ ইউকেট হেৰুৱাই ১৪৪ৰাণ কৰিব সক্ষম হয়।ভাৰতৰ মহম্মদ ছামী ৩ আৰু ৰবিচন্দ্ৰন অচ্ছিনে ২টা উইকেট দখল কৰা বিপৰীতে বুমৰাহ আৰু জাদেজাই লাভ কৰে ১টাকৈ উইকেট।