একত্ৰিত যুৱ পৰিষদৰ পঞ্চম বাৰ্ষিক প্ৰতিষ্ঠা দিৱসত জয়ন্ত হাজৰিকা শিল্পী বঁটা দ্বীপ ৰাজবংশীলৈ

নিউজ ডেস্ক:

সদৌ অসম একত্ৰিত যুৱ পৰিষদৰ আজি পঞ্চম বাৰ্ষিক প্ৰতিষ্ঠা দিৱস অনুষ্ঠিত হয় ।হাটীগাঁও হোটেল ৰিভেৰীয়াত দিনজোৰা কাৰ্যসূচীৰে অনুষ্ঠিত প্ৰতিষ্ঠা দিৱসত উপস্থিত থাকে বহুকেইটা জাতীয় সংগঠনৰ নেতৃত্ব।ক'ৰনা সৃষ্ট পৰিৱেশৰ বাবে সীমীত সংখ্যক সংগঠনটোৰ কর্মীৰ উপস্থিতিৰে আয়োজন কৰা হয়।

উল্লেখ্য যে প্ৰতিষ্ঠা দিৱসত সংগতি ৰাখি প্ৰথমবাৰলৈ সংগঠনটোৱে জয়ন্ত হাজৰিকা শিল্পী বঁটা প্ৰদান কৰে বিশিষ্ট সংগীত পৰিচালক তথা গীটাৰবাদক দ্বীপ ৰাজবংশীক ।প্ৰয়াত শিল্পী গৰাকীৰ সহধর্মীনি মনিশা হাজৰিকাই প্ৰদান কৰে এই বঁটা।

সংগঠনটোৰ কেন্দ্ৰীয় সভাপতি বিদ্যুৎ কলিতাই সভাপতিত্ব কৰা সভাখনৰ আৰম্ভনিতে সংগঠনৰ প্ৰাক্তন সাধাৰণ সম্পাদক অনুপ জ্যোতি শইকীয়াক পুনৰ সাধাৰণ সম্পাদকৰ পদ অৰ্পণ কৰে।উল্লেখ্য যে ৰাইজৰ দলত অংশগ্ৰহণ কৰি যোৱা বিধানসভাৰ নিৰ্বাচনত বিহপুৰীয়া সমষ্টিৰ পৰা প্ৰতিদ্বন্দ্বিতা কৰিবলৈ সংগঠনৰ মজিয়া ত্যাগ কৰিছিল।কিন্তু শেহতীয়া ভাৱে ৰাইজৰ দল ত্যাগ কৰা শইকীয়াক পুনৰ পৰিষদলৈ আদৰণি জনোৱা হয় ।