নলবাৰীত আছুৰ সত্যাগ্ৰহ কাৰ্যসূচী

নিউজ ডেস্ক:
যোগান মন্ত্ৰী হাই-হাই,বিজেপি চৰকাৰ হাই-হাই,মূল্য বৃদ্ধি হ্ৰাস কৰক আদি শ্লো-গানেৰে আকাশ-বতাহ উত্তাল কৰি তুলে আছুৱে ।
সম্প্ৰতি ৰাইজৰ বাবে এক ভয়াবহ সমস্যা হিচাপে দেখা দিছে-মূল্য বৃদ্ধি । অত্যাৱশ্যকীয় সামগ্ৰী আলু, পিয়াজ,মিঠাতেল,ৰন্ধন গেছ,পেট্ৰ'ল,ডিজেলকে ধৰি সামগ্ৰী সমূহৰ আকাশলংঘী মূল্য বৃদ্ধিয়ে সৰ্বসাধাৰণ ৰাইজক জুৰুলা কৰি তুলিছে।

সেয়ে মূল্যবৃদ্ধি ৰোধ কৰাৰ নিমিত্তে চৰকাৰক অৱগত কৰিবলৈ সদৌ অসম ছাত্ৰ সন্থাৰ আহ্বান মৰ্মে নলবাৰী চহৰত নলবাৰী  জিলা ছাত্ৰ সন্থাই " সত্যাগ্ৰহ কাৰ্যসূচী" ৰূপায়ন কৰে ।

উক্ত কাৰ্যসূচীত উপস্থিত সদৌ অসম ছাত্ৰ সন্থাৰ শিক্ষা সম্পাদক ভৱজিৎ বেজবৰুৱা, জিলা ছাত্ৰ সন্থাৰ সভাপতি গুণজিৎ পাঠক,সম্পাদক অক্ষয় ডেকাই চৰকাৰক আহ্বান জনোৱাৰ লগতে সকিয়াই দিয়ে অতি শীঘ্ৰে মূল্য বৃদ্ধি ৰোধৰ বাবে ব্যৱস্থা লওঁক ।অন্যথা আছুৰ নেতৃত্বত বিশাল গণ সত্যাগ্ৰহ আন্দোলন ৰূপায়ন কৰা হব ।