অসমীয়া ছবিজগতলৈ সুখবৰ, অস্কাৰৰ দৌৰত প্ৰথম অসমীয়া ছবি ব্ৰীজ

নিউজ ডেস্ক:

অসমীয়া ছবিজগতলৈ সুখবৰ । কৃপাল কলিতা পৰিচালিত ‘ব্ৰীজ’ ছবিখনে বিশ্ব চলচ্চিত্ৰৰ সৰ্বোচ্চ সন্মান অস্কাৰ আঁজুৰি অনাৰ বাবে ৰণাংগনত নামিবলৈ সক্ষম হৈছে । বিদেশী ভাষাৰ ছবিৰ মনোনয়নৰ বাবে ভাৰতৰ তৰফৰ পৰা অস্কাৰ বঁটাৰ বাবে পঠিওৱা হ'ব এখন ছবি। এই ছবিখন নিৰ্বাচন কৰাৰ বাবে প্ৰাথমিক পৰ্য্যায়ত ১২ খন ছবি তালিকাভুক্ত কৰা হৈছে আৰু এই ১২ খন ছবিৰ তালিকাত অন্তৰ্ভুক্ত হৈছে অসমীয়া ছবি 'ব্ৰীজ'।
গুৰুত্বপূৰ্ণ কথা এই যে চলিত বৰ্ষতে গোৱা আন্তঃৰাষ্ট্ৰীয় ছবি মহোৎসৱত জুুৰীৰ বিশেষ সন্মান লাভ কৰিবলৈ সক্ষম হৈছে এই ছবিখনে।
‘ব্ৰীজ’ জুৰীৰ বিশেষ সন্মান লাভ কৰা একমাত্ৰ ভাৰতীয় ছবি ।