নগাঁৱত এছৰ্কাড বেংকৰ সাধাৰণ সভা সম্পন্ন 

অসম  ৰাজ্যিক  সমবায়  কৃষি  আৰু  গ্ৰাম্য  উন্নয়ন বেংক  লিমিটেড (এছৰ্কাড)ৰ  এখন সাধাৰণ  সভা  ৰবিবাৰে নগাঁৱত  অনুষ্ঠিত  হৈ  যায় । নগাঁৱৰ আমোলাপট্টি নাট্য মন্দিৰত অনুষ্ঠিত সভাত বেংকৰ উন্নয়নৰ বাবে  আলোচনা  কৰা  হয় । সভাত  ২০১৭-১৮ বিত্তীয়  বৰ্ষৰ  কাৰ্যৰ ওপৰত যুগুতোৱা প্ৰতিবেদন, ২০১৮-১৯ বৰ্ষৰ  বাৰ্ষিক বাজেট আৰু আঁচনিসমূহৰ অনুমোদন  জনোৱা হয় । সাধাৰণ  সভাই বেংকটোৰ সামগ্ৰীক উন্নয়নৰ বাবে উদ্ভাৱন আৰু ৰূপান্তৰ আয়োগে  গঠন কৰা বিশেষজ্ঞ কমিটীৰ  প্ৰতিবেদন শীৰ্ঘে  কাৰ্যকৰী কৰিবলৈ দাবী  জনায় ।

আনহাতে সমবায় সমিতিসমূহৰ অতিৰিক্ত পজ্ঞীয়ক  গণ পেগুৰ নেতৃত্বত গঠন  কৰা  চাৰিজনীয়া  সমিতিয়ে  বেংকটো পুনৰ উজ্জীৱিত কৰিবৰ বাবে খচৰা দাখিল কৰাৰ ৰাজ্য চৰকাৰে ব্যৱস্থা নোলোৱাত সভাই  ক্ষোভ প্ৰকাশ  কৰে । এছৰ্কাড  বেংকৰ  অধক্ষ  আনন্দ  ভূষণ দাসৰ সভাপতিত্বত অনুষ্ঠিত সভাত মুখ্য কাৰ্যবাহী সঞ্চালক,  সঞ্চালক মণ্ডলীৰ সদস্য, বেংকৰ নিৰ্বাচিত প্ৰতিনিধি আৰু বেংকৰ ২৮টা শাখাৰ প্ৰতিনিধিয়ে অংশগ্ৰহণ কৰে ।