অএনজিচি-ৰ দুই অপহৃত উদ্ধাৰ: সন্ধান নাই ৰিতুল শইকীয়াৰ

অ.এন.জি চি-ৰ তিনি অপহৃত বিষয়া কৰ্মচাৰীৰ দুজনক উদ্ধাৰ। নাগালেণ্ডৰ মন জিলাৰপৰা উদ্ধাৰ কৰা হৈছে অপহৃত মোহিনী মোহন গগৈ আৰু অলকেশ শইকীয়াক।ভাৰতীয় সেনা আৰু আসাম ৰাইফলছৰ হেলিকপ্তাৰেৰে চলোৱা যৌথ অভিযানত উদ্ধাৰ কৰা হয় বিষয়া দুগৰাকীক। শুক্ৰবাৰে ৰাতি উদ্ধাৰ কৰা হয় দুয়োকে। ইয়াৰোপৰি সেনাই উদ্ধাৰ কৰে একে-৪৭ ৰাইফল।

আনহাতে বৰ্তমানো সন্ধান নাই তৃতীয়গৰাকী অপহৃত ৰিতুল শইকীয়াৰ । ৰিতুল শইকীয়াক বিচাৰি সেনাই অব্যাহত ৰাখিছে অভিযান।