অষ্টবিংশতিতম চেপন কেন্দ্ৰীয় ৰঙালী বিহু সন্মিলন বাতিল

ক'ৰ'না পৰিস্থিতিৰ বাবে বাতিল উজনি অসমৰ প্ৰথমখন বিহু সন্মিলন চেপন  কেন্দ্ৰীয় ৰঙালী বিহু সন্মিলন।অষ্টবিংশতিতম চেপন কেন্দ্ৰীয় ৰঙালী বিহুৰ সন্মিলনৰ পূৰ্ব নিধাৰিত সকলো কাৰ্যসূচী বাতিল কৰাৰ কথা ঘোষণা কৰিলে আয়োজক সমিতিয়ে।

জনতাৰ স্বাস্থ্যজনিত নিৰাপত্তাৰ প্ৰতি লক্ষ্য ৰাখি অহা ২৬ আৰু ২৭ এপ্ৰিলত দুদিনীয়াকৈ অনুষ্ঠিত হ'ব লগা সন্মিলনখন বাতিল কৰাৰ কথা জানিবলৈ দিয়ে আয়োজক সমিতিয়ে ।

উল্লেখ যে ঐতিহাসিক চেপন কেন্দ্ৰীয় ৰঙালী বিহুৰ সন্মিলনৰ সাংস্কৃতিক সন্ধিয়াৰ মুখ্য আকৰ্ষণ আছিল নৱ প্ৰজন্মৰ হাৰ্টথ্ৰৱ শিল্পী জুবিন গাৰ্গ আৰু অংগৰাগ পাপন মহন্তৰ অনুষ্ঠান।