স্নাতকোত্তৰ পৰীক্ষা সন্দৰ্ভত গুৱাহাটী বিশ্ববিদ্যালয়ৰ নতুন নিৰ্দেশনা,পঢ়ি জানি লওঁক

ক'ৰ'না আতংকৰ মাজতে গুৱাহাটী বিশ্ববিদ্যালয়ৰ গুৰুত্বপূৰ্ণ নিৰ্দেশনা।বিশ্ববিদ্যালয়ৰ স্নাতকোত্তৰ প্ৰথম ষাণ্মাসিকৰ পৰীক্ষা নিৰ্দিষ্ট সময়তে অনুষ্ঠিত হ'ব। দেওবাৰে বিশ্ববিদ্যালয় কৰ্তৃপক্ষই এক জাননীৰ জড়িয়তে এই কথা ঘোষণা কৰিছে পূৰ্ব নিৰ্ধাৰিত সময়সূচী অনুসৰিয়েই অনুষ্ঠিত হ’ব পৰীক্ষা।

অৱশ্যে ছাত্ৰ-ছাত্ৰীৰ সুবিধা হোৱাকৈ বৰ্তমান যিসকল পৰীক্ষাৰ্থীয়ে পৰীক্ষাত উপস্থিত থাকিব নোৱাৰিব আগতিয়াকৈ এই ছাত্ৰ-ছাত্ৰীসকলে বিশ্ববিদ্যালয়ৰ পৰীক্ষা নিয়ন্ত্ৰকক অৱগত কৰিব লাগিব।অধ্যক্ষ বা বিভাগীয় মুৰব্বীৰ জড়িয়তে জনাব লাগিব এই কথা।ইফালে যিসকল ছাত্ৰ-ছাত্ৰীয়ে বৰ্তমান পৰীক্ষাত অৱতীৰ্ণ হ'বলৈ নোৱাৰিব,তেওঁলোকৰ বাবে পৰৱৰ্তী সময়ত অনুষ্ঠিত কৰা হ'ব পৰীক্ষা।