পূব গুৱাহাটীৰ কংগ্ৰেছ প্ৰাৰ্থী অসীমা বৰদলৈৰ পদযাত্ৰাৰে শক্তি প্ৰদৰ্শন

ৰাজ্যৰ তৃতীয় তথা অন্তিম পৰ্যায়ৰ নির্বাচনৰ প্ৰচাৰত উত্তাল গুৱাহাটী।প্ৰতিটো ৰাজনৈতিক দলে নিজ নিজ প্ৰাৰ্থীৰ সমৰ্থনত গুৱাহাটীৰ ভিন্ন প্ৰান্তত চলাইছে প্ৰচাৰ।শনিবাৰে পূব গুৱাহাটী সমষ্টিৰ কংগ্ৰেছ মিত্ৰজোঁটৰ প্ৰাৰ্থী অসীমা বৰদলৈয়ে চলাই প্ৰচাৰ অভিযান।পূব গুৱাহাটীৰ বিভিন্ন স্থান সামৰি পদযাত্ৰাৰ জৰিয়তে চলোৱা প্ৰচাৰ কাৰ্যসূচীৰ অন্ত পৰে লতাশিলত।

প্ৰায় তিনি শতাধিক কংগ্ৰেছ দলীয় সমৰ্থকক লগত লৈ প্ৰাৰ্থী অসীমাই প্ৰদৰ্শন কৰে শক্তি। পদযাত্ৰাৰ সময়ত প্ৰাৰ্থীগৰাকীয়ে বিজেপিক তীক্ষ্ণ ভাষাৰে সমালোচনা কৰে। 

উল্লেখ যে অহা ৬ এপ্ৰিলত অনুষ্ঠিত হ'ব তৃতীয় পৰ্যায়ৰ ভোটগ্ৰহণ।আজি বিয়লি সামৰণি পৰিব বাইক ৰেলীৰ।ঠিক একেদৰে দেওবাৰে সন্ধিয়া ৬ বজাত আনুষ্ঠানিকভাৱে সামৰণি পৰিব প্ৰচাৰ অভিযানৰ।