পুনৰ উত্তপ্ত পুলৱামা, চলিছে সেনা-উগ্ৰপন্থীৰ গুলিৰ যুঁজ

উত্তপ্ত পুলৱামা ৷ সেনা আৰু উগ্ৰপন্থীৰ সংঘর্ষৰ ফলত আকৌ উত্তপ্ত পৰিস্থিতি । জম্মু কাশ্মীৰত সেনা আৰু উগ্ৰপন্থীৰ মাজত চলিছে গুলিৰ যুঁজ। কাশ্মীৰৰ পুলৱামাৰ কাকাপোৰা এলেকাত আৰম্ভ হয় এনকাউন্টাৰ ৷ নিহত ১জন সন্ত্ৰাসবাদী। এতিয়াও বহুকেইজন লুকাই আছে বুলি খবৰ পোৱা গৈছে ৷  

ৰাতিপুৱাৰপৰা উগ্ৰপন্থীৰ সৈতে যুঁজ আৰম্ভ হৈছিল যৌথ বাহিনীৰ। সেই অঞ্চলটো বৰ্তমান কাঢ়া নজৰত ৰখা হৈছে। বৰ্তমানলৈকে পোৱা খবৰ অনুসৰি অঞ্চলটোৰ চাৰিওদিশে চলিছে সংঘর্ষ। 

ঘটনাৰ পিছত বন্ধ ৰখা হৈছে ইন্টাৰনেট পৰিসেৱা। গোপন সূত্ৰে উগ্ৰপন্থী দলটোৰ খবৰ পায় অভিযান চলাইছিল সেনা বাহিনীয়ে। উগ্ৰপন্থীৰ দলটোৱে গুলি চলোৱা আৰম্ভ কৰে, একে সময়তে যৌথ বাহিনীয়েও গুলি চালনা কৰি থাকে। বৰ্তমানলৈকে ১ জন নিহত হোৱাৰ লগতে দলটোৰ বাকী সকল সদস্য অঞ্চলটোতেই লুকাই আছে। সেয়ে নিৰাপত্তা বেষ্টনীৰ মাজত অঞ্চলটো ৰাখি এনকাউন্টাৰৰ বাবে প্রস্তুত যৌথ বাহিনী। জম্মু- কাশ্মীৰ আৰক্ষীয়ে এই খবৰ টুইট কৰি জনাইছে।