নালাগে কাৰ্ড ফোনৰ সহায়েৰে ATM ৰপৰা উলিয়াব পাৰিব টকা

টকাৰ প্রয়োজন হ’লে বেংকত প্ৰ-পত্ৰ পূৰণ কৰি বা ATM ত কার্ডৰ সহায়েৰে টকা উলিওৱা পদ্ধতি এতিয়া পুৰনা হ’বলৈ ধৰিছে। কাৰণ এতিয়াৰপৰা ATMত টকা উলিয়াবৰ বাবে জৰুৰী নহয় যে আপুনি ডেবিট কার্ডটো লগতে ৰাখিবয়ে লাগিব। ফোনৰ সহায়েৰে সহজেই উলিয়াব পাৰিব টকা।

ATM কোম্পানী NCR কর্পোৰেচনে সম্প্রতি কার্ডলেচ নগদ টকা উলিয়াবৰ বাবে UPI ৰ ওপৰত ভিত্তি কৰি এটা ব্যৱস্থা লৈ আহিছে। নতুন এই ব্যৱস্থাত ফোনৰ UPI পেমেন্টৰ যিকোনো এপ্‌ যেনে Google Pay, Phone Pe, Amazon Pay , Paytm, BHIM ইত্যাদিৰ মাধ্যমেৰে টকা withdraw কৰিব পৰা যাব।

UPI এপ্‌ৰ মাধ্যমেৰে QR কোড স্কেন কৰি ATMৰপৰা টকা Withdraw কৰিব পৰা যাব। চিটি ইউনিয়ন বেংকে ইতিমধ্যে এই বিশেষ সুবিধা সহ প্ৰায় ১৫০০ টা ATM আপ্‌গ্রেড কৰিছে।