নগাঁৱত আৰম্ভ ২১সংখ্যক অসম ৰাজ্যিক যোগ ক্ৰীড়া প্ৰতিযোগিতা

শতাধিক প্ৰতিযোগীৰ অংশগ্ৰহণেৰে শনিবাৰৰ পৰা ৩ দিনীয়াকৈ নগাঁৱৰ পুলিচ ৰিজাৰ্ভ প্ৰেক্ষাগৃহত আৰম্ভ হ'ল ৰাজ্যিক পৰ্যায়ৰ যোগ ক্ৰীড়া প্ৰতিযোগিতা ।

অসম যোগ সন্থাৰ উদ্যোগত আৰু নগাঁও যোগ সন্থাৰ ব্যৱস্থাপনাত নগাঁও ক্ৰীড়া সন্থা, নেহেৰু যোগ কেন্দ্ৰ, অসম যোগ বিদ্যালয়, ৰাজ্যিক যোগ কেন্দ্ৰ- নিৰ্বাণ, দ্ৰোণাচাৰ্য দ্য ৰিডম অব্‌ আৰ্টৰ সহযোগত ৰাজ্যিক যোগ ক্ৰীড়া প্ৰতিযোগিতাখনি আয়োজিত হৈছে ।

পুৱা বন্তি প্ৰজ্জ্বালনেৰে অনুষ্ঠানৰ শুভাৰাম্ভ কৰে বিশ্ব যোগ সন্থাৰ প্ৰধান সম্পাদক অশোক আগৰৱালাই । প্ৰতিযোগিতাখনিত অসমৰ বিভিন্ন প্ৰান্তৰ পৰা শতাধিক প্ৰতিযোগীয়ে অংশগ্ৰহণ কৰে ৷

উল্লেখ্য যে এই প্ৰতিযোগিতাত প্ৰথম, দ্বিতীয় স্থান লাভ কৰাসকলে ৰাষ্ট্ৰীয় যোগ ক্ৰীড়াত অংশ ল'ব পাৰিব বুলি নগাঁও জিলা যোগ সন্থাৰ প্ৰচাৰ সম্পাদক অঞ্জন কুমাৰ শৰ্মা কৌশিকে জনাইছে ।