বিধানসভা নিৰ্বাচনৰ প্ৰথম পৰ্যায়ৰ ভোটগ্ৰহণ আৰম্ভ:ভাগ্য নিৰ্ণয় হ'ব ২৬৪ গৰাকী প্ৰাৰ্থীৰ

আজি পুৱা ৭ বজাৰ পৰা আৰম্ভ হৈছে ৰাজ্যৰ বিধানসভা নিৰ্বাচনৰ প্ৰথম পৰ্যায়ৰ ভোটগ্ৰহণ।১২ খন জিলাৰ ৪৭ টা সমষ্টিত ক'ভিড প্ৰট'কল পালন কৰি চলিছে ভোটগ্ৰহণ।মুঠ ভোটদাতাৰ সংখ্যা ৮১ লাখ ৯ হাজাৰ ৮১৫ জন।আজি ভোটগ্ৰহণত ভাগ্য নিৰ্ণয় হ'ব ২৬৪ গৰাকী প্ৰাৰ্থীৰ।উল্লেখ্য যে ভোটগ্ৰহণ কেন্দ্ৰসমূহত ক'ভিড প্ৰট'কল পালন কৰি
সামাজিক দূৰত্বৰ ব্যৱস্থা কৰি ভোটগ্ৰহণ কৰা হৈছে।পুৱাৰে পৰাই ভোটগ্ৰহণ কেন্দ্ৰসমূহত ভোটদাতাৰ দীঘলীয়া শাৰী প্ৰত্যক্ষ কৰা হয়।পুৱাতেই ভোট দিলে বিজেপিৰ ৰঞ্জিৎ দত্ত,প্ৰশান্ত ফুকন,উৎপল বৰা,মৃণাল শইকীয়া,কুশল দুৱৰী আদি নেতাই।ভোটদান কৰে অগপৰ প্ৰদীপ হাজৰিকা,কংগ্ৰেছৰ অংকিতা দত্ত আদিয়ে।উল্লেখযোগ্য যে আজি মুখ্যমন্ত্ৰী সৰ্বানন্দ সোণোৱাল আৰু কংগ্ৰেছ সভাপতি ৰিপুন বৰাৰ ভাগ্য নিৰ্ণয় হ'ব।