সমুজ্জ্বল কুমাৰ ভট্টাচাৰ্যই আছুৰ মুখ্য উপদেষ্টা হিচাপে কাৰ্যনিৰ্বাহ কৰিবলৈ সিদ্ধান্ত গ্ৰহণ কৰা হয়

সকলো উৎকণ্ঠাৰ অৱসান ঘটাই আজি গুৱাহাটী বিশ্ব বিদ্যালয়ত অনুষ্ঠিত আছুৰ কাৰ্যনিৰ্বাহক বৈঠকত সমুজ্জ্বল কুমাৰ ভট্টাচাৰ্যক আছুৰ মুখ্য উপদেষ্টে হিচাবে কাৰ্যনিৰ্বাহ কৰিবলৈ প্ৰস্তাৱ গ্ৰহণ কৰা হয় ৷ উক্ত বৈঠকত সমুজ্জ্বল কুমাৰ ভট্টাচাৰ্যৰ লগতে উদ্দীপ্ত জ্যোতি গগৈ আৰু প্ৰকাশ চন্দ্ৰ দাসক উপদেষ্টা হিচাবে নিযুক্তি দিয়া হয় ।

উল্লেখ যোগ্য যে, তেজপুৰৰ প্ৰশান্ত ল’জত চলিত বৰ্ষৰ জানুৱাৰী মাহত  অনুষ্ঠিত এখন সংবাদমেলত আছুৰ সাধাৰণ সম্পাদক শংকৰজ্যোতি বৰুৱাই  স্পষ্ট কৰি দিছিল যে, কাৰ্যনিৰ্বাহক অনুষ্ঠিত নোহোৱা পৰ্যন্ত সদৌ অসম ছাত্ৰ সন্থাৰ হৈ কোনো আনুষ্ঠানিক মন্তব্য কৰাৰ সাংবিধানিক অধিকাৰ নাথাকিব ড০ সমুজ্জ্বল কুমাৰ ভট্টাচাৰ্যৰ।