মনোনয়ন-পত্ৰ দাখিল কৰি মন্ত্ৰী ডঃ হিমন্ত বিশ্ব শৰ্মাই ক'লে-"১লাখৰ অধিক ভোটত জয়ী হ'ম"

ৰাজ্যৰ তৃতীয় পৰ্যায়ৰ বিধানসভাৰ নির্বাচনৰ মনোনয়ন-পত্ৰ দাখিলৰ অন্তিম দিনটোত শুকুৰবাৰে প্ৰভাৱশালী মন্ত্ৰী ডঃ হিমন্ত বিশ্ব শৰ্মাই দাখিল কৰে নিজৰ মনোনয়ন-পত্ৰ।গুৱাহাটীৰ সোণাৰাম খেলপথাৰ পৰা হাজাৰ হাজাৰ সমৰ্থকক লগত লৈ কামৰূপ (ম) জিলা উপায়ুক্তৰ কাৰ্যালয়ত দাখিল কৰে পত্ৰ।মন্ত্ৰীগৰাকীক মনোনয়ন-পত্ৰ দাখিলৰ সময়ত সংগ দিয়ে পত্নী ৰিণিকি ভূঞা শৰ্মাই।

মনোনয়ন-পত্ৰ  দাখিলৰ পূৰ্বে ডঃ শৰ্মাই দৌলগোৱিন্দ মন্দিৰ আৰু কামাখ্যা দেৱালয়ত সেৱা জনায়।

উল্লেখ যে জ্যোতিষশাস্ত্ৰৰ বিধি অনুসৰি ২.৩০বজাত দাখিল কৰে মনোনয়ন-পত্ৰ।
মনোনয়ন দাখিলৰ পূৰ্বে মন্ত্ৰী ডঃ শৰ্মাই কয়- "বিজেপি চৰকাৰ হ'ব,সেয়া নিশ্চিত।"

গুৱাহাটী উত্তৰ-গুৱাহাটী দলঙৰ উপৰিও শুৱালকুচি-পলাশবাৰীৰ মাজত আৰু এখন ব্ৰহ্মপুত্ৰত দলং নিৰ্মাণৰ সপোন আছে।অসম তথা সমগ্ৰ দেশৰ ভিতৰতে জালুকবাৰী সমষ্টিক বিকশিত সমষ্টি কৰাৰ সপোন থকা বুলি মন্ত্ৰীগৰাকীয়ে কয়।

উল্লেখ যে জালুকবাৰী সমষ্টিৰ পৰা এইবাৰ পঞ্চমবাৰৰ বাবে নিৰ্বাচনত অৱতীৰ্ণ হ'ব ডঃ শৰ্মা।বিজেপি প্ৰাৰ্থীগৰাকীয়ে এইবাৰ ১লাখৰ অধিক ভোটত জয়ী হ'ব বুলি কয়।