বঙাইগাঁৱত হাজাৰ হাজাৰ সমৰ্থকৰ সৈতে মনোনয়ন পত্ৰ দাখিল কৰিলে ফণীভূষণ চৌধুৰীয়ে

আজি অসম গণ পৰিষদ দলৰপৰা হাজাৰ হাজাৰ লোকৰ সমাৱেশেৰে বঙাইগাঁৱত ফণীভূষণ চৌধুৰীয়ে তৃতীয় পৰ্যায়ৰ নিৰ্বাচনৰ বাবে বঙাইগাঁও জিলাৰ নিৰ্বাচনী বিষয়াৰ হাতত মনোনয়নপত্ৰ দাখিল কৰে ৷ এই মনোনয়নপত্ৰ দাখিল সমাৱেশত হাজাৰ হাজাৰ লোকৰ জনসমাগমে পুনৰ ফণীভূষণ চৌধুৰী জয় যে প্ৰায় নিশ্চিত সেয়া প্ৰমাণ কৰিলে৷

যোৱা ৩৫ বছৰে বিধায়ক হৈ একপ্ৰকাৰ অসমৰ ৰাজনীতিত অভিলেখ স্থাপন কৰিছে চৌধুৰীয়ে৷ এইবাৰো বৃহৎ ভোটৰ ব্যৱধানত জয়ী হ’ব বুলি দাবী কৰাৰ লগতে নেতাজনে কয় যে এইবাৰ অসমত অগপ-এ ভাল ফলাফল দেখুৱাব ৷ 

তদুপৰি চৌধুৰীয়ে কয় যে, বঙাইগাঁৱত শক্তিশালী দল অগপৰ লগত এটা অতি দুৰ্বল দলহে থকাৰ বাবে কোনো খেল নহয় ইয়াত ৷ কাৰণ শক্তিশালী দলৰ লগতহে আন এটা শক্তিশালী দলৰ খেল হয় ৷