নিৰ্বাচনৰ আগমুহূৰ্ত্তত বঙাইগাঁৱত জব্দ হৈছে ১২ লক্ষাধিক টকা

ৰাজ্যত এই সময়ত নিৰ্বাচনী আচৰণবিধি বলবৎ হৈ আছে ৷ চাৰিওফালে নিৰাপত্তা ব্যৱস্থা কটকটীয়া কৰি তোলা হৈছে। এই আৱহাৱাত নিৰ্দিষ্ট পৰিমাণতকৈ অধিক পৰিমাণে নগদ ধন লগত লৈ ফুৰাটো নিৰ্বাচনী বিধি উলংঘন হোৱা কথা ৷ 

তাৰ মাজতে আজি বঙাইগাঁৱত জব্দ হ’ল বৃহৎ পৰিমাণৰ এক ধনৰাশি ৷ নিউ বঙাইগাঁৱত আৰক্ষীৰ নিয়মীয়া তালাচীৰ সময়তে জব্দ হয় ১২,৮৬,২০০ নগদ টকা ৷ এএছ ১৯ ই ৩১৮৪ নম্বৰৰ এখন চাৰিচকীয়া বাহনৰ পৰা এই টকাখিনি জব্দ কৰে বঙাইগাঁও আৰক্ষীয়ে৷ বঙাইগাঁৱৰ বিভাস বৰুৱা নামৰ লোক এজন বাসুগাঁও অভিমুখে গৈ থকাৰ সময়তে আৰক্ষীৰ নিয়মীয়া তালাচীত জব্দ হয় এই ধন ৷