গহপুৰৰ কামদেৱালত ফুটবল প্ৰতিযোগিতা

গহপুৰ মহকুমাৰ কামদেৱাল ক্ৰীড়া সন্হাৰ সৌজন্যত কামদেৱাল খেলপথাৰত আজি অনুষ্ঠিত চলন্ত ট্ৰফী আৰু প্ৰাইজমানী ফুটবলত প্ৰতিযোগিতাৰ চূড়ান্ত খেলত ডুবি ৰাইন' কোচিং চেণ্টাৰে (অৰুণাচল) ৰাঙাপৰা ৰে'লৱে' পুলিচক ৪-১ গ'লৰ ব্যৱধানত পৰাভূত কৰি চূড়ান্ত বিজয়ীৰ খিতাপ অৰ্জন কৰে ।

খেলৰ অন্তত অৱসৰপ্ৰাপ্ত শিক্ষক, সমাজকৰ্মী বলীন পূজাৰীৰ সভাপতিত্বত অনুষ্ঠিত বঁটা বিতৰণী সভাত গহপুৰ সমষ্টিৰ বিধায়ক উৎপল বৰা, গহপুৰৰ মহকুমাধিপতি ডঃ ইন্দ্ৰানসী দাস, গহপুৰ জিলা ক্ৰীড়া সন্হাৰ সভাপতি জিতেন বৰুৱা, সমাজকৰ্মী নোমল বৰুৱা, গোপাল শইকীয়াকে ধৰি বৃহত্তৰ কামদেৱাল অঞ্চলৰ কেইবাগৰাকীও জ্যেষ্ঠ নাগৰিক উপস্থিত থাকে ।

উল্লেখ্য, আজিৰ চূড়ান্ত খেলখন দহ সহস্ৰাধিক ক্ৰীড়াপ্ৰেমীয়ে উপভোগ কৰে ।