গহপুৰত অজগৰ উদ্ধাৰ

গহপুৰ আৰক্ষী থানাৰ অন্তৰ্গত ককিলাগুৰিত এডাল অজগৰ সাপ উদ্ধাৰ হয় ।

এই প্ৰকাণ্ড অজগৰটোৱে ককিলাগুৰিৰ নিবাসী দিলীপ কোঁৱৰৰ গৃহত আজি পুৱা ৪মান বজাত খাদ্যৰ সন্ধানত আহি ভঁৰালৰ তলত কুকুৰা চৰাই ভক্ষণ কৰি আছিল । গৃহস্থই ভঁৰালৰ তলত কুকুৰা ভক্ষণ কৰি থকা অৱস্থাত প্ৰকাণ্ড অজগৰটো প্ৰত্যক্ষ‍ কৰে ।

লগে লগে গহপুৰ আৰক্ষী থানাত খবৰ দিয়ে । কিছু সময়ৰ পাছত আৰক্ষী উপস্থিত হৈ অজগৰটো স্থানীয় কেইগৰাকীমান যুৱকৰ সহায়ত উদ্ধাৰ কৰিবলৈ সক্ষম হয় ।

১০ ফুট দৈৰ্ঘ্যৰ অজগৰ সাপটো গহপুৰ আৰক্ষীয়ে চমজি লৈ বন বিভাগক গতাবলৈ লৈ যায় ।