বিশ্ব শ্বুটিং চেম্পিয়নশ্বিপত অসম সন্তান হৃদয়ৰ স্বৰ্ণ জয়

হিমা দাসৰ পিছত আন এজন অসম সন্তান নাৰায়ণপুৰৰ হৃদয়ে জিনিলে কোটি কোটি ভাৰতীয়ৰ হৃদয় ৷ দক্ষিণ কোৰিয়াত অনুষ্ঠিত হোৱা  আই  এছ এছ এফ  শ্বুটিং বিশ্ব চেম্পিয়নশ্বিপত স্বৰ্ণজয় অসম যুৱ শ্বুটাৰ হৃদয় হাজৰিকাৰ । লখিমপুৰ জিলাৰ নাৰায়ণপুৰৰ মাধৱদেৱ মহাবিদ্যালয়ৰ অধ্যক্ষ ড• শৰৎ হাজৰিকা আৰু ইভা শইকীয়া হাজৰিকাৰ একমাত্র পুত্ৰ হৃদয়ে পুৰুষৰ জুনিয়ৰ ইভেণ্টত ১০ মিটাৰ এয়াৰ ৰাইফল শাখাত সোণৰ পদক লাভ কৰে । দক্ষিণ কোৰিয়াত অনুষ্ঠিত হৈছিল এই প্ৰতিযোগিতাখন । নৱম শ্ৰেণীত অধ্যয়নৰত হৃদয়ৰ সফলতাত দেশৰ লগতে জন্মস্থান নাৰায়ণপুৰৰ ৰাইজো বাসীও আজি উৎফুল্লিত হৈ পৰা পৰিলক্ষিত হৈছে ।।