তিৱা স্বায়ত্ত পৰিষদৰ নিৰ্বাচনৰ ফলাফলত বিজেপি বৃহৎ জয়ৰ দিশে অগ্ৰসৰ

*তিৱা স্বায়ত্ত পৰিষদৰ মুখ্য কাৰ্যবাহী সদস্য পৱন মান্তাৰ জয়*

#মৰিগাঁৱৰ পৰা জিতুমণি নাথ:

তিৱা স্বায়ত্ত পৰিষদৰ নিৰ্বাচনৰ ফলাফলত বিজেপি বৃহৎ জয়ৰ দিশে অগ্ৰসৰ হৈছে। বিশেষকৈ কংগ্ৰেছ দলক নস্যাৎ কৰি এইবাৰ সৰ্ববৃহৎ জয়ৰ দিশে অগ্ৰসৰ হোৱাত বিজেপি দলৰ নেতা কৰ্মী সকলৰ মাজত সৃষ্টি হৈছে আনন্দ উল্লাস। আঞ্চলিক দল অগপ  এটা সমষ্টিত বিজয়ী হৈছে। পোন প্ৰথম বাৰৰ বাবে বৃহৎ জয়ৰ দিশে অগ্ৰসৰ হোৱা শাসকীয় বিজেপি দলৰ প্ৰাৰ্থী সকলে অধেক সংখ্যক সমষ্টিতে আগবাঢ়ি আছে।ফলাফল ঘোষণাৰ হোৱা মৰিগাঁও জিলাৰ ১৮ টা পৰিষদীয় সমষ্টিৰ ভিতৰত ৫ টা সমষ্টিত নিৰ্বাচনৰ ফলাফল ঘোষণা কৰিছে নিৰ্বাচনী বিষয়াই। ইয়াৰ ভিতৰত জয়ী হোৱা বিজেপিৰ  প্ৰাৰ্থী সকলৰ ভিতৰত তিৱা স্বায়ত্ত পৰিষদৰ মুখ্য কাৰ্যবাহী সদস্য পৱন মান্তাই দমাল সমষ্টিত,ভূৰবন্ধাত বিনয় কোঁৱৰ,ঢেকিফলাত বীনাপানী বৰদলৈ,জামাদাৰীত দুলাল ব্ৰহ্ম,গড়মাৰীত অগপৰ ৰুনামণি বড়ো দাস বিজয়ী হৈছে।ঘোষিত ফলাফললৈ চাই বিজেপি দলে তিৱা স্বায়ত্ত পৰিষদৰ নিৰ্বাচনত নিৰ্বাচন অনুষ্ঠিত হোৱা মুঠ ৩৫ টা সমষ্টিৰ ভিতৰত ৩০ টাতকৈ অধিক আসন লাভ কৰা সম্ভাৱনাই গা কৰি উঠিছে।