অসম চৰকাৰৰ দুর্গা পূজা আয়োজনৰ অনুমতিৰ বিৰোধিতা আলফা(স্বা)ৰ

*ক'ৰ'নাৰ বাবে জাতীয় উৎসৱ ৰঙালী বিহু বৰ্জন কৰিবলৈ নিৰ্দেশ দিয়া চৰকাৰে কি যুক্তিত দুৰ্গা পূজা আয়োজনৰ অনুমতি দিছে?- আলফা(স্বা)*

ক'ৰ'না আতংকৰ মাজতে শাৰদীয় দুৰ্গা পূজাৰ আয়োজনৰ চৰকাৰৰ অনুমতিৰ বিৰোধিতা আলফা(স্বা)ৰ।সংবাদ মাধ্যমলৈ সংগঠনটোৰ পৰা প্ৰেৰণ কৰা বিবৃতিত উল্লেখ কৰিছে এইদৰে-"ক'ভিড-১৯-এ অসমৰ ৰাইজৰ মাজত সংক্ৰমণৰ ৰূপ লোৱাৰ সময়তে অসম চৰকাৰে শাৰদীয় দুৰ্গা পূজাৰ আয়োজন কৰিবলৈ লোৱা আঁচনিৰ আমি বিৰোধিতা কৰিছোঁ।"

"ক'ভিড-১৯ৰ বাবে অসমৰ জাতীয় উৎসৱ ৰঙালী বিহু বৰ্জন কৰিবলৈ নিৰ্দেশ দিয়া চৰকাৰখনে কি যুক্তিৰ আধাৰত দুৰ্গা পূজা আয়োজনৰ অনুমতি দিছে"- সংগঠনটোৱে কয়।

অসমৰ সমাজ বা জাতি ধৰ্মভিত্তিক নহয়।তেনেস্থলত মোডীক সন্তুষ্ট কৰাৰ স্বাৰ্থত অতি হিন্দু হ'বলৈ যোৱা অসম চৰকাৰখনক জনস্বাস্থ্য বিৰোধী সিদ্ধান্ত বাতিল আৰু দুৰ্গা পূজা বন্ধ কৰাৰ আহ্বান জনাইছে সংগঠনটোৱে।