গহপুৰত আন্ত:জিলা মহিলা ফুটবলৰ কাৰ্যালয় মুকলি

অহা ২৮ ছেপ্টেম্বৰৰ পৰা গহপুৰ জিলা ক্ৰীড়া সন্থাৰ সহযোগত অনুষ্ঠিতব্য আন্ত:জিলা মহিলা ফুটবল প্ৰতিযোগিতাৰ বাবে আজি গহপুৰ শাখা লেখিকা সমৰোহ সমিতিৰ কাৰ্যালয়ৰ এটা কোঠা খেল আয়োজক সমিতিৰ অস্থায়ী কাৰ্যালয় হিচাপে মুকলি কৰা হয় ৷

কাৰ্যালয়টোৰ দ্বাৰ মুকলি কৰে গহপুৰ জিলা ক্ৰীড়া সন্থাৰ উপদেষ্টা, প্ৰবীণ ক্ৰীড়া সংগঠক সৰ্বেশ্বৰ বৰাই । এই উপলক্ষে অনুষ্ঠিত সভাত গহপুৰ লেখিকা সমাৰোহৰ একাংশ বিষয়ববীয়াৰ লগতে গহপুৰ জিলা ক্ৰীড়া সন্থাৰ সভাপতি জিতেন বৰুৱা, সম্পাদক গোপাল শইকীয়া, আয়োজক সমিতিৰ সম্পাদক ভূপেন কুমাৰ বৰা, খেল পৰিচালনা

সমিতিৰ সভাপতি নাগৰ দলে, উপদেষ্টা পূৰ্ণ বেহেৰা, অভ্যৰ্থনা সমিতিৰ সম্পাদক নিলোৎপল ৰবি দাস, প্ৰচাৰ সম্পাদক তুৱাকান্ত দুৱৰা, কাৰ্যালয় সম্পাদক বিনোদ গৌড়, কোষেশ্বৰ স্বৰ্গীয়াৰী আদি উপস্থিত থাকে ।