কলাইগাঁৱৰ ধৰ্মপ্ৰাণা মহিলা জুনু বৰুৱাৰ দেহাৱসান

ওদালগুৰি জিলাৰ কলাইগাঁৱৰ ধৰ্মপ্ৰাণা মহিলা জুনু বৰুৱাৰ আজি বিয়লি ৪.২০ বজাত দেহৱাসন ঘটে।কলাইগাঁও উচ্চতৰ মাধ‍্যমিক বিদ‍্যালয়ৰ অধ‍্যক্ষ প্ৰয়াত খৰ্গধৰ বৰুৱাৰ সহধৰ্মিণী জুনু বৰুৱা বাৰ্ধক‍্যজনিত ৰোগত দীৰ্ঘদিন ধৰি সয‍্যাশায়ী অৱস্থাত আছিল । সৰবৰাহী মহিলাগৰাকীয়ে কলাইগাঁও মহিলা সমিতি, শ্ৰীশ্ৰী ভাগৱত মন্দিৰ, স্বাস্থ‍্যসেৱা আদিত জড়িত থাকি সামাজিক বৰঙণি আগবঢ়াইছিল । তেখেতৰ মৃত‍্যুৰ সময়ত বয়স আছিল ৭৮ বছৰ । বৰুৱাৰ মৃত‍্যুত কলাইগাঁও আঞ্চলিক ছাত্ৰ সন্থা, ভোজপুৰী যুৱ ছাত্ৰ পৰিষদ, কলাইগাঁও প্ৰগতিশীল উন্নয়ন পৰিষদ, কলাইগাঁও সমষ্টিৰ প্ৰক্তন বিধায়ক তথা অগপৰ কেন্দ্ৰীয় সমিতিৰ সম্পাদক মুকুন্দৰাম চৌধুৰী, অসম যুৱ পৰিষদৰ দৰং জিলা সমিতি, অসম যুৱ পৰিষদৰ কেন্দ্ৰীয় কাৰ্যনিৰ্বাহক নৱ কুমাৰ ডেকাকে ধৰি বিভিন্ন অনুষ্ঠান-প্ৰতিষ্ঠানে শোক প্ৰকাশ কৰি শোকসন্তপ্ত পৰিয়ালবৰ্গলৈ সমবেদনা জ্ঞাপন কৰে । মৃত‍্যুৰ সময়ত  দুজন পুত্ৰ, এগৰাকী বোৱাৰীসহ এগৰাকী নাতিৰ লগতে আত্মীয়-কুটুম্বক ইহসংসাৰত এৰি থৈ যায়।