নগাঁৱত নিচাযুক্ত ঔষধ জব্দঃএজনক গ্ৰেপ্তাৰ

নগাঁৱৰ পৰা ৱাহিদুদ জামান:

নগাঁও নগৰ আৰক্ষীয়ে বুধবাৰে নিশা অভিযান চলাই নগাঁও চহৰৰ আমিনপট্টিৰ পৰা বুজন পৰিমাণৰ নিচাযুক্ত ঔষধ জব্দ কৰাৰ লগতে এজন লোকক গ্ৰেপ্তাৰ কৰিবলৈ সক্ষম হয়।লকডাউন চলি থকাৰ মাজতে নিচাযুক্ত ঔষধ সৰবৰাহ কৰাৰ তথ্য  লাভ কৰি নগাঁও নগৰ আৰক্ষীয়ে আমিনপট্টি অঞ্চলত অভিযান চলাই বৃহৎ পৰিমানৰ নিচাযুক্ত ঔষধসহ নেচিম আকতাৰ( ৩৫) নামৰ ড্ৰাগছ ব্যৱসায়ীটোক গ্ৰেপ্তাৰ কৰিবলৈ সক্ষম হয় । আৰক্ষীৰ পৰা জানিব পৰা মতে,ড্ৰাগছখিনি  এ এছ - ০১ ই - ৬১২৯ নম্বৰৰ এখন যাত্ৰীবাহী টেম্প'ত কঢ়িয়াই আনিছিল।আৰক্ষীয়ে অভিযানৰ সময়ত ড্ৰাগছ কঢ়িয়াই অনা টেম্প'খনো জব্দ কৰে।উল্লেখ্য যে ধৃত ব্যৱসায়ীটোৱে দীৰ্ঘদিনৰ পৰা নিষিদ্ধ ড্ৰাগছ ব্যৱসায় চলাই আহিছিল।