হাজোত ড্ৰাগছৰ বিৰুদ্ধে অভিযান:তিনিজনক আটক

হাজোৰ পৰা কমলাকান্ত দাস:

হাজোৰ মহাদেৱটোলাত দেওবাৰে হাজো আৰক্ষীয়ে ড্ৰাগছৰ বিৰুদ্ধে তীব্ৰ অভিযান চলায়।এই অভিযানকালত আঢ়ৈ কাৰ্টুন নিষিদ্ধ কফ চিৰাপ,বৃহৎসংখ্যক নিচাজাতীয় টেবলেট জব্দ কৰাৰ লগতে ড্ৰাগছ আসক্ত তিনিজন যুৱকক আটক কৰে।আৰক্ষীয়ে যুৱককেইজনৰ পৰা পাঁচটা মোবাইল,নগদ ৩৯৫০ টকাসহ এখন এল্ট' আৰু পালছাৰ বাইক জব্দ কৰে।ধৃত তিনিজন ব্যক্তি ক্ৰমে ধনেশ্বৰ দাস,নুৰুল হুছেইন আৰু বাসুদেৱ দাস।সম্প্ৰতি আৰক্ষীয়ে হাজোত ড্ৰাগছৰ বেহা সন্দৰ্ভত সোধপোছ অব্যাহত ৰাখিছে।আৰক্ষী সূত্ৰে জানিব পৰা মতে এই ধৃত তিনিজন ব্যক্তিৰ ভিতৰৰ মহাদেৱটোলাৰ ধনেশ্বৰ দাসৰ ঘৰতেই দীৰ্ঘদিন ধৰি ড্ৰাগছৰ অবাধ বেহা চলি আহিছিল।