সোণাৰিত 'কা'ৰ বিৰুদ্ধে প্ৰতিবাদী গণ পদযাত্ৰা

সোণাৰিৰ পৰা ঘন বৰা:

নাগৰিকত্ব সংশোধনী আইন বাতিলৰ দাবীত শুকুৰবাৰে চৰাইদেউ জিলাৰ সোণাৰিৰ সৰুপথাৰ নজৱকাত ঐতিহাসিক ধোদৰ আলিত শ শ প্ৰতিবাদী জনতাৰ কণ্ঠত উত্তাল হৈ পৰে। চৰাইদেউ জিলাৰ আছু, আটাছু, টাইপা, বৃহত্তৰ অসমীয়া যুৱ মঞ্চ,কৰ্মচাৰী পৰিষদ, আটছা, গোৰ্খা ছাত্র সন্থা আদি কৰি চৰাইদেউ জিলাৰ সমূহ জাতীয়- জনজাতীয় সংগঠন আৰু ৰাইজৰ সহযোগত বীণাপানী ৰাজহুৱা খেলপথাৰত সমবেত হৈ এখন বিশাল প্ৰতিবাদী সভা অনুষ্ঠিত কৰা লগতে এক প্ৰতিবাদী গণ পদ যাত্ৰাৰে ঐতিহাসিক ধোদৰ আলিৰে নজৱকালৈকে বিভিন্ন শ্ল'গানৰে পৰিৱেশ উত্তাল কৰি তোলে।