চীনৰ টাইৱান চাহ বাগিছাৰ ফটোৰে অসম বচাও অভিযান কংগ্ৰেছৰ

অসমৰ বিত্ত, শিক্ষা তথা স্বাস্থ্য মন্ত্ৰী হিমন্ত বিশ্ব শৰ্মাই টুইটাৰ যোগে অভিযোগ উত্থাপন কৰিছে যে অসমৰ নহয়, চীনৰ টাইৱান চাহ বাগিছাৰ ফটোৰে অসম বচাও অভিযান কংগ্ৰেছৰ ৷ উক্ত টুইটত শৰ্মাই লিখিছে “প্ৰথম কংগ্ৰেছে অসমক চিনি নাপায়, এতিয়া কংগ্ৰেছে আনকি অসমীয়া লোককো চিনি নাপায়।এইটো আকৌ টাইৱানৰ এটা ছবি।কংগ্ৰেছ নেতাসকলে অসমক পাহৰি গৈছে। দেখুৱাওঁ আহক আমাৰ অসম কিমান সুন্দৰ।” 

আগন্তুক বিধান সভা নিৰ্বাচনৰ বাবে ৰাজনৈতিক দল সমূহে ভোটাৰক আকৰ্ষণ কৰিবলৈ বিভিন্ন কাৰ্যসূচী গ্ৰহন কৰিছে । অসম প্ৰদেশ কংগ্ৰেছেও বিজেপিক প্ৰতিহত কৰাৰ উদ্দেশ্যৰে ৰাজ্য জুৰি ‘অসম বচাও’ অভিযান আৰম্ভ কৰিছে ।