গুৱাহাটী ইউথ ফেষ্টিভেলত মুকাভিনয়ত সোণৰ পদকেৰে গৌৰৱ কঢ়িয়ালে ত্যাগবীৰ হেম বৰুৱা মহাবিদ্যালয়ে

জামুগুৰিহাটৰ পৰা চন্দন শৰ্মাৰ প্ৰতিবেদন :

গুৱাহাটী বিশ্ববিদ্যালয়ৰ উদ্যোগত অনুষ্ঠিত কৰা ইউথ ফেষ্টিভেলত মুকাভিনয় প্ৰদৰ্শনৰ জৰিয়তে চতিয়া সমষ্টিৰ অন্তৰ্গত কুসুমটোলাস্থিত এখন আগশাৰী শিক্ষানুষ্ঠান ত্যাগবীৰ হেমবৰুৱা মহাবিদ্যালয়ৰ শিক্ষাৰ্থীসকলে সোণৰ পদক অৰ্জন কৰি প্ৰথম স্থান দখল কৰি মহাবিদ্যালয়লৈ গৌৰৱ কঢ়িয়াই আনিবলৈ সক্ষম হয় । উক্ত মুকাভিনয়ৰ দলটোৰ প্ৰশিক্ষক হিচাপে কংকণ তালুকদাৰ থকাৰ লগতে  দলটোৰ অভিনেতা-অভিনেত্ৰীসকল ক্ৰমে অলিম্পিকা শইকীয়া, পৰাগ বৰা, কিংকিনী বৰদলৈ, হিমাংঞ্চু হাজৰিকা, প্ৰণৱ জ্যোতি দাস আৰু চনু চৌধুৰী । ইয়াৰোপৰি ক'লাজত চিত্ৰ অংকণৰে দ্বিতীয় শ্ৰেষ্ঠ বঁটা লাভ কৰে ত্যাগবীৰ হেমবৰুৱা মহাবিদ্যালয়ৰ ছাত্ৰী অংকিতা হাজৰিকাই । শিক্ষাৰ্থীসকলৰ এই সফলতাক লৈ মহাবিদ্যালয়ৰ শিক্ষাগুৰুসকল আৰু শিক্ষাৰ্থীসকল উৎফুল্লিত হোৱাৰ লগতে অঞ্চলবাসীয়ে এই সফলতাক ভূয়সী প্ৰশংসা কৰে ।