বঙাইগাঁৱত 'বি' ডিভিজন আন্তঃ ক্লাব ফুটব প্ৰতিযোগিতা আৰম্ভ

বঙাইগাঁওঃ 

বঙাইগাঁও জিলা ক্ৰীড়া সন্থাৰ দ্বাৰা আয়োজিত 'বি' ডিভিজন আন্তঃ ক্লাব ফুটবল প্ৰতিযোগিতাখন আজিৰে পৰা বঙাইগাঁও চহৰৰ বীৰঝৰা উচ্চতৰ মাধ্যমিক বিদ্যালয় খেল পথাৰত আৰম্ভ হৈছে ৷ এই উপলক্ষে সন্থাৰ উপ সভাপতি মহেশ চৌধুৰীয়ে সন্থাৰ পতাকা উত্তোলন কৰাৰ বিপৰীতে ৰাজ্যিক পৰ্যায়ৰ খেলুৱৈ জয়ন্ত ৰায়ে প্ৰতিযোগিতাখন উদ্বোধন কৰে ৷ উদ্বোধনী খেলখন পোপৰাগাঁও যুৱক সংঘ আৰু ৰামধেনু ক্লাৱৰ মাজত অনুষ্ঠিত হয় ৷ খেলখনত পোপৰাগাঁও যুৱক সংঘই ৰামধেনু ক্লাবক ৩- ২ গলত পৰাজত কৰে ৷ কাইলৈ ভাকাৰিভিটা স্পৰ্টচ ক্লাব আৰু মাজগাঁও কৃষক সংঘৰ মাজত খেল অনুষ্ঠিত হ'ব ৷