মহাকাশ বাহিনী গঠন কৰিব আমেৰিকাই

আমেৰিকাই গঠন কৰিব মহাকাশ বাহিনী ৷ এই বাহিনীটো হ'ব আমেৰিকান সেনাৰ ষষ্ঠটো বাহিনী ৷ আমেৰিকাৰ উপ-ৰাষ্ট্ৰপতি মাইক পেন্সে বৃহস্পতিবাৰে এই কথা সদৰী কৰে ৷

পেণ্টাগনত দিয়া এক বিবৃতিত উপ-ৰাষ্ট্ৰপতিগৰাকীয়ে কয়, 'আমেৰিকা যুক্তৰাষ্ট্ৰ মহাকাশ বাহিনী গঠনৰ সময় আহি পৰিছে ৷' উল্লেখ্য যে চলিত বছৰৰ শেষত এই বাহিনীটোক সুকীয়া নেতৃত্ব প্ৰদান কৰা হ'ব ৷

আনহাতে, বিগত জুন মাহতে ৰাষ্ট্ৰপতি ডোনাল্ড ট্ৰাম্পে আমেৰিকান সেনাবাহিনীৰ ষষ্ঠ সংযোজন হিচাপে মহাকাশ বাহিনী গঠনৰ বাবে প্ৰয়োজনীয় প্ৰক্ৰিয়া তৎকালীনভাৱে আগবঢ়াবলৈ নিৰ্দেশ প্ৰদান কৰিছিল৷