ভূপালত সাধ্বী প্ৰজ্ঞাৰ প্ৰচাৰ আৰম্ভ

ভূপাল লোকসভা সমষ্টিত বিজেপিয়ে সাধ্বী প্ৰজ্ঞাক টিকট দিয়াৰ পিছৰ পৰাই সমষ্টিটোৰ নিৰ্বাচনে দেশবাসীৰ দৃষ্টি আকৰ্ষণ কৰিছে।ইফালে সমষ্টিটোত বিজেপি প্ৰাৰ্থীগৰাকীৰ প্ৰতিদ্বন্দী কংগ্ৰেছৰ ৰাষ্ট্ৰীয় নেতা দিগ্বিজয় সিং।২০০৮ চনৰ মালেগাঁও বিস্ফোৰণত অভিযুক্ত হৈ সুদীৰ্ঘ সময় কাৰাগাৰত থাকি শেহতীয়াকৈ জামিন লাভ কৰা সাধ্বী প্ৰজ্ঞা সিং ঠাকুৰে  ভূপালৰ টিকট লাভ কৰিয়েই একাধিক মন্তব্যৰে ইতিমধ্যে দেশজুৰি বিতৰ্কৰ সৃষ্টি কৰিছে।

আজি বিজেপি প্ৰাৰ্থীগৰাকীয়ে ভূপালত প্ৰচাৰ অভিযানৰ আৰম্ভণি কৰে।ভূপালৰ গলীসমূহত তেওঁ জনতাৰ মাজত প্ৰচাৰ কৰে।মহিলাসকলে হাতত ফুলৰ মালা লৈ তেওঁক স্বাগতম জনায়।