কাশ্মীৰৰ পুলৱামা ঘটনাৰ শ্ৰদ্ধাঞ্জলি : ডবকাত বন্তি প্ৰজ্বলন

ডবকাৰ পৰা জমিৰ উদ্দিন তালুকদাৰ

কাশ্মীৰৰ পুলৱামাত যোৱা ১৪ ফেব্ৰুৱাৰীত সংঘটিত নাৰকীয় কাণ্ডত নিহত ভাৰতীয় সেনাৰ বীৰ-জোৱান ছহিদলৈ শ্ৰদ্ধা জনাই আজি ডবকা চহৰত দুটাকৈ সংগঠনে বন্তি প্ৰজ্বলন কৰি শ্ৰদ্ধা নিবেদন কৰে৷ ডবকা চহৰৰ পুলিচ পইণ্টত অসম জাতীয়তাবাদী যুৱ-ছাত্ৰ পৰিষদৰ হোজাই জিলা সমিতিৰ নেতা ৰুবুল তালুকদাৰ আৰু পাৰভেজ আলম লস্কৰৰ নেতৃত্বত এটা যুৱ-ছাত্ৰৰ দলে বন্তি প্ৰজ্বলন কৰে৷

ইয়াৰ সমান্তৰালভাৱে অসম জাতীয় সেনাৰ হোজাই জিলা সমিতিয়ে মমবাতি প্ৰজ্বলন কৰি পুলৱামাত নিহত সৈনিকলৈ শ্ৰদ্ধা নিবেদন কৰে৷ অসম জাতীয় সেনাৰ হোজাই জিলা সমিতিৰ নেতা আনোৱাৰ হুছেইন লস্কৰ (মুন লস্কৰ), নজমুল ইছলাম আৰু ইকবাল হুছেইনৰ নেতৃত্বত এই কাৰ্যসূচী লোৱা হয়৷