দৌলাশাল আৰক্ষীৰ জালত ৩ গৰুচোৰ 

নলবাৰী জিলাৰ দৌলাশাল আৰক্ষীৰ জালত পৰিল তিনিটাকৈ গৰুচোৰ। বিশেষ সূত্ৰৰ খবৰৰ ভিত্তিত যোৱা নিশা দৌলাশাল আৰক্ষী চকীৰ ভাৰপ্ৰাপ্ত আৰক্ষী বিষয়া লালচান আলীৰ নেতৃত্বত নৈশ তালাচী চলাই তিনিটাকৈ গৰুচোৰক আটক কৰিবলৈ সক্ষম হয়।বিলাসী বাহনেৰে  আহি থকা অৱস্থাত আটক হয় চৰৰ দলটো।চোৰে ব্যৱহাৰ কৰা ইনোভা গাড়ীখনৰ নম্বৰ এ এচ ০১এ কিউ ৪১১৩।বাহনখনৰ পৰা গৰুক বন্ধা ৰচীও উদ্ধাৰ কৰে আৰক্ষীয়ে ।

আটক হোৱা চোৰ তিনিটা হৈছে শনিয়াদিৰ আফজাল আলী(৩৫), আধিয়াৰপাৰাৰ মহৰম আলী(২৭) আৰু কয়াকুছিৰ মধ্য ভৌকামাৰীৰ আমিনুল হক(২৩) । মুকালমুৱা থানাত ৰুজু হোৱা ৬৭/১৯ নম্বৰ গোচৰ আৰু ভাৰতীয় দণ্ডবিধিৰ ৩৮০ ধাৰাৰ অধীনত চোৰ তিনিটাক  আটক কৰা হৈছে।