অসম চুক্তিত স্বাক্ষৰ কৰিও কংগ্ৰেছৰ সাহস নহ’ল এন আৰ চি উন্নীতকৰণৰঃ অমিত শ্বাহ

বহু প্ৰতীক্ষিত এন আৰ চিৰ চূড়ান্ত খচৰাখন অৱশেষত কালি প্ৰকাশ হ’ল৷ এই এন আৰ চিক কেন্দ্ৰ কৰি আজি উত্তাল হৈ পৰিল দেশৰ ৰাজনীতি৷ শাসক-বিৰোধীৰ মাজত আক্ৰমণ-প্ৰত্যাক্ৰমণৰ জোৱাৰ উঠিছে৷ চূড়ান্ত খচৰাখনৰ পৰা ৪০ লক্ষাধিক লোকৰ নাম বাদ পৰাক লৈ আক্ৰমণাত্মক হৈ পৰিছে বিৰোধী পক্ষ৷ এনে আক্ৰমণ-প্ৰত্যাক্ৰমণৰ মাজতে বিজেপিৰ ৰাষ্ট্ৰীয় সভাপতি অমিত শ্বাহৰ অভিযোগ- এন আৰ চি প্ৰস্তুতকৰণৰ দৰে বিষয় এটা কাৰ্যকৰী কৰিবলৈ কংগ্ৰেছে সাহসেই কৰিব নোৱাৰিলে৷ অমিত শ্বাহে আজি কয়- ৰাজীৱ গান্ধী দেশৰ প্ৰধান মন্ত্ৰী হৈ থকা অৱস্থাতে ১৯৮৫ চনত অসম চুক্তি স্বাক্ষৰিত হৈছিল৷ চুক্তিখনৰ সৈতে সাদৃশ্য আছে এন আৰ চি উন্নীতকৰণৰ৷ তথাপি কংগ্ৰেছে এয়া কাৰ্যকৰী কৰিবলৈ সাহসেই নকৰিলে, যিটো আমি আজি কৰি দেখুৱাইছোঁ৷